ԱՐՄՍՎԻՍԲԱՆԿ-ը 13.03.2025-27.05.2025թթ. իրականացնում է անվանական արժեկտրոնային պարտատոմսերի երկու թողարկումների տեղաբաշխման վերաբացում.

Թողարկման անվանական ծավալները կազմում են 15 մլն ԱՄՆ դոլար և 5 մլն Եվրո (առաջին փուլում արդեն իսկ տեղաբաշխվել են համապատասխանաբար՝ 2,800,000 ԱՄՆ դոլար և 2,100,000 Եվրո անվանական ծավալով պարտատոմսեր): Այս փուլում ենթակա է տեղաբաշխման 12,200,000 ԱՄՆ դոլար եւ 2,900,000 Եվրո անվանական ծավալով պարտատոմսեր:

Հատկանշական է, որ համաձայն ՀՀ օրենսդրության ֆիզիկական անձ, ինչպես նաև ոչ ռեզիդենտ իրավաբանական անձ ներդրողների կողմից ձեռքբերված պարտատոմսերից ստացված եկամուտները եկամտային հարկով և շահութահարկով չեն հարկվում:

Պարտատոմսերը տեղաբաշխվելու են հրապարակային տեղաբաշխման եղանակով` պարտատոմսերի ձեռք բերման համապատասխան հայտը Բանկ ներկայացնելու միջոցով:

Հայտերի ընդունման ժամանակահատված` 13.03.2025թ. 10:00-ից մինչև 27.05.2025թ. ժամը 16:00:

Պարտատոմսերի թողարկումից ներգրավված միջոցների զգալի մասն ուղղվելու է կայուն նախագծերի ֆինանսավորմանը:

Պարտատոմսերի տեղաբաշխմանը մասնակցել ցանկացողները պարտատոմսերի ազդագրի էլեկտրոնային տարբերակին, վերջնական պայմաններին ու այլ մանրամասներին կարող են ծանոթանալ՝ այցելելով https://bit.ly/4kEcjiZ:

Լրացուցիչ տեղեկությունների կամ հարցերի դեպքում կարող եք զանգահարել ԱՐՄՍՎԻՍԲԱՆԿ՝ հետևյալ հեռախոսահամարներով. (+37460) 757001, (+37411) 757001: