Ձեր հեռախոսահամարը չի հրապարակվելու: Պահանջվող դաշտերը նշված են *
ԱՐՄՍՎԻՍԲԱՆԿ-ը հերթական նվիրաբերությունն է կատարել ԵՊԿ Ղ․ Սարյանի անվան օպերային ստուդիային` այս անգամ տրամադրելով ժամանակակից պրոյեկտոր, որը կծառայի բեմադրությունների տեխնիկական ապահովման և ներկայացումների տեսողական բաղադրիչների ձևավորման համար։
Նվիրաբերված պրոյեկտորն ապահովելու է բեմական աշխատանքների նորարարական մոտեցումներ՝ ստեղծելով առավել ուշագրավ ու տպավորիչ ներկայացումներ, որոնք կհամապատասխանեն ժամանակակից արվեստի պահանջներին։ Այս տեխնոլոգիական աջակցությամբ ստուդիան կկարողանա իր բեմադրությունները հագեցնել նոր լուծումներով՝ վերացնելով տեխնիկական սահմանափակումները և լայն հնարավորություն կտա արվեստի այլ ոլորտների համադրմանը։
2024 թվականի սեպտեմբերի 9-ին «ԱրմՍվիսԲանկ» ՓԲԸ-ն և Վաղարշապատի համայնքապետարանը ստորագրեցին հուշագիր՝ որը նպատակ ունի աջակցելու քաղաքի շրջակա միջավայրի բարելավմանը։ Հուշագիրը ստորագրեցին Բանկի Գործադիր տնօրեն պարոն Գևորգ Մաչանյանը և Վաղարշապատի համայնքի ղեկավար տիկին Դիանա Գասպարյանը։
2024թ.-ի մայիսի 18-ին, թանգարանների գիշերը, ԱՐՄՍՎԻՍԲԱՆԿ-ը հանդես է եկել ազգային մշակույթի խրախուսման հերթական նախաձեռնությամբ և Հայաստանի Պատմության թանգարանին է նվիրաբերել 40 աուդիոգիդ սարքեր:
Այս նախաձեռնության շնորհիվ Հայաստանի Պատմության թանգարանի այցելուները հնարավորություն կունենան ինքնուրույն ծանոթանալ թանգարանում ներկայացված ցուցանմուշներին։
5 տարի շարունակ Ամանորի նախաշեմին, ԱՐՄՍՎԻՍԲԱՆԿ-ում սոցիալական տարբեր ծրագրերի կողքին կարևոր տեղ ունի «Դարձիր Ձմեռ Պապ» ծրագիրը, որի շրջանակում Բանկի աշխատակիցներն անձամբ հասնում են հեռավոր սահմանամերձ ու սահմանային գյուղերն ու տեղում հանձնում նվերները՝ ջերմություն տալով երեխաներին ու ասելով, որ նրանք մենակ չեն:
Կորպորատիվ սոցիալական պատասխանատվության շրջանակներում հունիս մեկյան տոնի կապակցությամբ Վարդենիսի համայնքապետարանի հետ համագործակցությամբ ԱՐՄՍՎԻՍԲԱՆԿ-ի աշխատակիցներն աջակցեցին Սոթք գյուղի 15 ընտանիքների, ովքեր ամուր կանգնած են ու հավատով շարունակում են պաշտպանել մեր հայրենիքի սահմանները:
ՀՀ կենտրոնական բանկը, Հայաստանի բանկերի միությունը և 18 առևտրային բանկերը «Իմ անտառ Հայաստանի» հետ համագործակցությամբ Հայկական դրամի 30-ամյակի առթիվ հիմնում են 50 հա նոր անտառ Լոռու մարզի Ջրաշեն և Ուրասար համայնքներում՝ տնկելով 160 000 ծառ (կաղնի, թխկի, հաճարենի, լորենի, վայրի տանձ, վայրի խնձոր, ընկուզենի, բոխի և այլ ծառատեսակներ)։ Այսպիսով, ստեղծվող անտառը, որպես մնայուն, ապագային ու կյանքին ուղղված արժեք, խորհրդանշելու է ազգային արժույթի հարատևությունը։
Ամանորի տոներին ընդառաջ, ԱՐՄՍՎԻՍԲԱՆԿ-ն ու աշխատակիցները այս տարի ևս Ամանորյա հեքիաթ-տոն պարգևեցին Սյունիքի մարզի սահմանամերձ դարձած 7 գյուղերի շուրջ 125 փոքրիկներին: Վերջիններս, ավելի քան ունենալով մեր կարիքը, վստահ լինելով, որ մենք կանգնած ենք իրենց կողքին, նամակներ էին գրել Ձմեռ պապիկին իրենց ցանկություններով, իսկ աշխատակիցները համատեղ ուժերով կատարեցին բոլորը:
Կարևորելով սոցիալական պատասխանատվությունն ու թիմային ոգին` ԱՐՄՍՎԻՍԲԱՆԿ-ի աշխատակիցները, սեպտեմբերի 1-ին ընդառաջ, նախաձեռնել են աջակցության ծրագիր, որով օգնել են սոցիալապես անապահով 25 ընտանիքի առաջին դասարան գնացող երեխաներին` նվիրելով հագուստ, դպրոցական պայուսակ, կոշիկ, գրենական պիտույքներ:
Հուլիսի 30-ին ԱՐՄՍՎԻՍԲԱՆԿ-ի աշխատակիցները Շուշիից տեղահանված բազմազավակ ընտանիքին են հանձնել «100 տուն Արցախում» նախագծի շրջանակում Ասկերանի շրջանի Դահրավ գյուղում կառուցված տան բանալիները, որը ֆինանսավորվել է Բանկի կողմից։
Մշտապես կարևորելով սոցիալական պատասխանատվության դերն ու նշանակությունը, ավանդույթի համաձայն, ԱՐՄՍՎԻՍԲԱՆԿ-ը և աշխատակիցները Երեխաների պաշտպանության օրվա առթիվ այցելեցին ՀՀ Շիրակի մարզ՝ համագործակցելով Շիրակի մարզպետարանի հետ և աջակցեցին 18 անապահով բազմազավակ ընտանիքների:
